Актуелности

Согласно Инвестиционата програма за 2022 година, Јавното претпријатие Национални шуми спроведува санација и адаптација на административниот објект во подружницата Преспадрво во Ресен, инвестиција вредна 642.000,00 денари со ДДВ, од сопствени средства. Инвестицијата е во делот на реконструкција на градежни објекти во Инвестиционата програма, моменталните активности се санација на кровната конструкција на административната зграда, а продолжуваат и понатаму со промена на прозорците. Реконструкцијата во Ресен е една од повеќето планирани реконструкции на објекти во сопственост на јавното претпријатие. Со оваа реконструкција ќе се подобрат условите за работа на вработените, како и квалитетот на работната средина во управната зграда на подружницата. Управната зграда на подружницата се реконструира после подолг временски период. Инвестиционите вложувања продолжуваат и во останатите подружници. Национални шуми продолжува да се модернизира и осовременува.