Актуелности

Со оглед на зголемената опасност од појава на шумски пожари на отворен простор и согласно, воведената делумна забрана за движење во шума и шумско земјиште на територијата со која стопанисува ЈП"Национални шуми"– Скопје, која е со важност од 24.06.2022 год. во терминот од 06 до 20часот, се до нејзино отповикување, ЈПНационални шуми секојдневно ги следи и одговара на барањата на правни и физички лица кои пристигнуваат електронски на WEB страната на ЈП, како и барања што стасуваат преку архивата. 

Освен за институциите и субјектите за кои не важи делумната забрана , движењето во шума за сите останати посетители е дозволено единствено со писмено одобрение од страна на подружниците на ЈПНШ, кои секојдневно ги издаваат побараните дозволи за движење во шума. 

Најчести се барањата на правни лица кои континуирано имаат работа во шума, односно се движат низ целата територија на државата, како што се: одржување на мали хидроелектрани, одржување на телекомуникациска опрема-базни станици, чистење на траса за одржување на коридор-електродистрибуција, геодетски мерења за потребите на пристапен пат, сервисирање на предавателни мрежи, одржување и отстранување на појавени дефекти на далекуводи, одржување на микробранова опрема, научни истражувања - испитувања, одржувања на надземни водови, тетра базни станици на МВР, одржување на базни станици на мобилни оператори, репетитори, мобилна мрежа, собирање на споредни шумски производи.

Што се однесува на барањата од физички лица, тие најчесто се однесуваат на планинарење во шума, рекреативно движење во шума или собирање на споредни шумски производи.

Воведената делумна забрана за движење во шума е превентивна мерка, со единствена цел, заштита на шумите и шумското земјиште од шумски пожари.