Актуелности

Во врска со пандемијата во државата, ЈП Национални шуми од првиот момент ги презема сите потребни мерки и активности за заштита од коронавирус Covid-19.

Преку редовно следење на сите заклучоци и мерки донесени од страна на Владата на РСМ и Главниот координативен кризен штаб за обезбедување целосна координација во врска со спречување на внесување и ширење на Коронавирус Covid-19, вработените во претпријатието се редовно информирани за сите сoстојби кои настануваат на дневно ниво и постапување по истите, со цел за заштита на здравјето на вработените, нивните семејства и пошироко. Короната не стивнува и токму затоа во Кавадарци, на иницијатива на ПШС БОР Кавадарци  повторно е извршена  дезинфекција со двете теренски   противпожарни возила.

Овие возила покажаа уште една корисна улога. Целта беше да се употребат целосно капацитетите на овие, сега веќе повеќенаменски возила, иако првичната улога им е справувавање со шумски пожари.

Теренските возила имаат повеќенаменска функција и можат да се употребуваат при разни елементарни временски непогоди, за расчитување на поголеми и помали површини после поплави, а во дадениот случај за дезинфекција на улици, дворови и други поголеми површини, со цел за успешно справување со актуелната состојба во државата.Ова е уште еден доказ дка борбата против пандемијата од коронавирус Covid-19, активно и со сите расположиви средства продолжува.