Актуелности

Ден на дрвото, есенско пошумување, 2011

В среда, по осми пат се организира акцијата „Ден на дрвото – засади ја својата иднина“. Во есенското засадување планирано е да се засадат околу 5 милиони и 700 илјади дрвца.

Од досегашните акции голем дел од досега засадените дрвца успешно се зафатени. Сепак, ЈП „Македонски шуми“ има обврска да ги обнови сите садници кои биле засадени неупсешно. Како најава за граѓанската акција, дрвца засадија премиерот Никола Груевски, како и неколку министри од неговата влада.

Есенското пошумување исто така го поддржаа дел од писателите, спортистите и некои јавни личности. „Оваа есен ќе бидат засадени околу 5 милиони и 700 илјади садници на 400 локации во земјава - покрај езерата и другите водни површини, покрај автопатите и регионалните и локалните патишта. Во претходните 7 акции се засадени 38 милиони дрвца. Значи со овогодинешните вкупно ќе бидат засадени околу 44 милиони садници“.

И есенското пошумување, 2011 г. е дел од Акциониот план на ЈП Македонски шуми за одбележување на 2011- Меѓународната година на шумите, прогласена од ОН и со тоа го дава својот придонес во зачувувањето на шумите.