Актуелности

Акција за заплена на бесправно посечена дрвна маса 13.01.2018.

Уште една успешна акција на, ПШС Караџица- ЈП Mакедонски шуми на заплена на бесправно посечена дрвна маса.

Според претходна најава кај Шумочуварската служба на Подружница ШС Караџица, во непосредна близина на селото Дражилово , Сопиште екипа на шумочувари на чело со директорот на ПШС Караџица шум.инж .Саша Јовановиќ, а со асистенција на Шумска полиција и на припадници на екипи на СВР-Скопје, во текот на утринските часови,денес 13.01.2018 год. учествуваа во акцијата за заплена на бесправно посечени и складирани дрва на повеќе локации околу с. Дражилово.

Во акцијата, која е успешно завршена запленети се околу 50- 60 м кубни огревно дрво (даб и бука). И за ова дело постојат индиции за сторителите на кривичното дело, бесправна сеча и присвојување на бесправно посечена дрвна маса. 

И со оваа акција се докажа дека со соработката меѓу надлежните инстуции која и понатаму продолжува со засилено темпо, се постигнуваат успечни резултати, што треба да биде предупредување дека сторителите на вакви дела треба да престанат со своите бесправни дејствија.

ЈП Македонски шуми, Секторот за заштита на шумите и секоја подружница посебно се решени да настапат со сите расположиви средства во заштитата на шумите и бесправните сечи.